Директорот на Клиниката за инфективни и тропски болести, д-р Горан Стевановиќ изјави дека ова е најтежок ден за Србија, бидејќи во последните 24 часа се забележани седум нови смртни случаи од коронавирусот, а 115 новозаразени.

Стевановиќ додаде дека следните денови можеби ќе бидат уште потешки, па ја заврши прес-конференцијата за новинарите и најави дека заминува во клиниката за да помогне на своите колеги.

Бројот на заразени од коронавирусот во Србија сега порасна на 900, а вкупно починати се 23 лица.

– Оној момент кога тој број ќе почне нагло да расте, постои еден лек. Тој лек неминовно води кон запирање, прашање е на момент кога ќе биде воведен 24-часовен полициски час. Ако неколку дена по ред вака се крева бројот на заразени и починати, тогаш неминовно ќе мора да предложиме и таква мерка, рече Кон.