Компанија која печати банкноти за Велика Британија и валути за 140 други земји издаде предупредување за можен банкрот, во кое се наведува дека постои „сериозно сомневање“ за нејзината иднина.

„De La Rue“, која постои 198 години, печати пари за Банката на Англија од 1860 година.

Фирмата дизајнираше 36 проценти од сите валути во оптек, според инвестициската фирма „Едисон груп“.

„De La Rue“ се бори изминатите две години, откако го изгуби договорот од 400 милиони фунти за изработка на британските пасоши, а кој го доби нивниот француски конкурент. Исто така, беа погодени од еден потег каде беа заобиколени материјалните пари, како што се трансфери преку Интернет или безконтактно плаќање. Само минатата недела, компанијата изгуби 20 проценти од својата вредност.

Ако компанијата не преживее, нејзините 2.500 работници ќе бидат изложени на ризик.