Националниот ден на Холандија одбележан со лалиња и книги за здравствените работници и пациентите

По повод Денот на кралот – Националниот ден на Кралството Холандија, холандскиот амбасадор во земјава Дирк Јан Коп денеска симболично подари 1.100 лалиња и стотина книги од холандски автори преведени на македонски и албански јазик, за здравствените работници, како и за пациентите заболени од коронавирус. Подарокот симболично го примија министерот за надворешни работи Никола Димитров и заменик-министерот за здравство Арменд Арслани.

– Во нормални околности би го прославувале Денот на кралот со голема забава, но очигледно оваа година не можеме да го направиме тоа. Затоа одлучивме да направиме еден симболичен гест по тој повод и го купивме буквално секое лале што го најдовме во оваа држава. Успеавме да најдеме 1.100 лалиња и исто така успеавме да најдеме книги од холандски автори преведени на македонски и албански јазик околу стотина, кои сакаме да ги подариме на вработените во клиниките и во Институтот за јавно здравје, како и на пациентите заболени од коронавирус, рече Коп.

Прочитајте и...  Мексико ја надмина Италија и стана четврта земја во светот по бројот на починати од Ковид-19

Овој гест, како што истакна амбасадорот, е во знак на нашата почит за напорната работа и несебичното залагање на здравствените работници во Северна Македонија.

Димитров, од своја страна, го честиташе Националниот ден на Кралството Холандија. – Чест ми е што денеска по овој повод заедно со нашите креативни холандски пријатели оддаваме почит и благодарност за пожртвуваниот и несебичен ангажман на здравствените работници, истакна Димитров.

Заменик министерот за здравство Арслани се заблагодари на Кралството Холандија за севкупната поддршка на здравствениот систем.

– Она што не обединува сите е истата мисла и истата цел – што поуспешно справување со коронавирусот, па оттука и денешните лалиња и книги се само една симболика и за благодарноста но и за бескрајната почит кон здравствените работници кои овој период го даваат својот максимум за лекување и третман на пациентите од Ковид-19, изјави Арслани, упатувајќи честитки до амбасадорот Коп по повод Националниот ден на Холандија.

Прочитајте и...  Привршува откупот на вишни во делчевско

Денот на Кралот во Холандија вообичаено се прославува со многу улични забави, детски игри и пазари на отворено додека Кралот и неговото семејство патуваат секоја година на различно место во Холандија за да го прослават денот со локалното население. Оваа година сите манифестации на Денот на Кралот беа откажани поради коронавирусот и Кралот и се обрати на нацијата по онлјан изведбата на химната „Вилхелмус” во која сите членови на светски познатиот Royal Concertgebouworkest свиреа од своите домови.

Прочитај повеќе

Над 56.000 случаи на коронавирус во последните 24 часа во САД

Слободен печат

Регистрирани се 169 прекршоци за неносење маска

Слободен печат

Болсонаро ги хранеше животните на својот имот, па го касна ној (ФОТО)

Слободен печат

Индија има над 100.000 новозаразени со коронавирус во последните четири дена

Слободен печат

Д-р Солески: Примарното здравство многу добро се справи со првиот налет на КОВИД-19

Слободен печат

Кина има 297 активни случаи на коронавирус, со само три увезени новозаразени

Слободен печат

Остави Коментар

Прочитај повеќе

Андоновиќ: Протести во Бугарија и во Србија – полициска бруталност и незадоволство или политичка инструираност? (ВИДЕО)

Слободен печат

Земјите со лидери популисти немаат добар одговор на пандемијата на коронавирусот

Слободен печат

Како да разликувате летна настинка од Ковид-19?

Слободен печат

Се подготвува монтажен објект на Клиниката за пулмологија и алергологија

Слободен печат

Пандемијата му пречи и на градежништвото: Нема ни градежни материјали, а ни мајстори

Соња Кириџиевска

Русија го укинува задолжителниот карантин за странските државјани

Слободен печат