Клучната состојка на ова јадење е пестото, кое не само што му дава многу одличен вкус, туку и убаво ја врзува смесата со која ќе ги наполните пиперките. Вкусовите на печените пиперки, пилешко месо, песто, киноа и топено сирење совршено ќе се вклопат во овој брз и лесен ручек. Потребни ви се само петте наведени состојки за овој здрав оброк полн со вкус.

Не можете да погрешите во ниту еден чекор од подготовката, а најкомплицираниот дел е сечењето на пилешкото. Овој рецепт е идеален за неделно планирање бидејќи можете да користите варено или печено пилешко. Послужете ги пиперките полнети со пилешко, киноа, песто и сирење со тост леб или печен компир или сладок компир.

Состојки:

– 6 пиперки (по две црвени, жолти и зелени)
– 2 парчиња пилешки гради, варени или печени и исечкани на парчиња
– 180 грама моцарела изрендана
– 185 грама киноа, варена
– 175 грама песто

Подготовка:

Загрејте ја рерната на 220 степени Целзиусови. Измијте ги пиперките и ставете ги на парчиња на плех додека не почнат да се потпекуваат.

Извадете ги од рерна и оставете ги на страна. Намалете ја температурата на 175 степени Целзиусови.

Во сад измешајте го сечканото пилешко со 2/3 од сирењето, пестото и киноата. Исечете ги пиперките на половина и извадете ги семките. Секоја пиперка наполнете ја со смесата и посипете ја со сирење.

Печете 10 минути и послужете веднаш, со прилог по ваш избор.