Мартин Смит, водоинсталер од Ипсвич  се најде во центарот на вниманието на англиската јавност бидејќи доби репрезентативен повик иако има 49 години. Смит доби повик од репрезентацијата на Британските Девствени острови неколку денови по натпреварот од хуманитарен карактер кој го организираше милијардерот сер Ричард Брансон.

How many people can say they got their first international call-up at the age of 49?

Martin Smith can.

Read? https://t.co/dRor0EvJlT pic.twitter.com/RNnTxr6ds0

— BBC Sport (@BBCSport) April 12, 2019

Смит беше дел од репрезентацијата во квалификациите за Конкакаф Лигата на нации. Тој беше на клупата за резервни играчи, а доколку влезеше во игра тогаш ќе станеше втор најстар фудбалер кој го играл за некоја репрезентација. Тој рекорд го држи Жорж Веа кој минатиот септември со 51 година и 345 дена настапи за Либерија.

– Навистина уживав иако фудбал не сум играл 15,20 години. Една недела по хуманитарниот натпревар добив повик од селекторот на Британските Девствени острови. Еден од голманите го повредил рамото и селектор ме праша дали сакам да го заменам, ми требаа 12 секунди да одговорам – изјави Смит за Би-Би-Си.

British Virgin Islands: Martin Smith gets first international call-up aged 49 https://t.co/x187WTu4dF pic.twitter.com/AOOLVGATwu

— Kingston United (@kingstonutd) April 13, 2019

Британските Девствени острови се група острови во Карипското море во близина на Порторико и на нив живеат 22.000 жители кои се сметаат за британски државјани. Секој граѓанин со британски пасош има право да настапува за репрезентацијата доколку ги задоволува условите за престој.
Смит ги исполнува тие услови, оти пред пет години се пресели на Бахамите и потоа доби работа како главен водоинсталатер на приватниот остров на сер Ричард Брансон.