Екипата на МЗТ Скопје доживеа пораз од Приморска на отворањето на финалната серија во АБА 2 лигата која се игра за пласман во најквалитетното балканско натпреварување.
МЗТ Скопје загуби со убедливи 22 поени разлика (93:71) од Приморска.

„Металците“ речиси во текот на целиот натпревар беа во негатива и го бркаа резултатот, но ниту еднаш не успеаја да го загрозат водството на Приморска кое беше стекнато по само десет минути игра (28;19).

Најдобар играч на натпреварот беше Кристофер Харис со 24 поени, додека Маријан Чакарун постигна 16 поени. Во редовите на МЗТ Скопје се истакнаа Иве Иванов со 13 поени и Андрија Бојиќ кој постигна 12 поени.

Вториот меч меѓу Приморска и МЗТ Скопје е закажан утревечер од 20:00 часот, а потоа следат два натпревара во Македонија, во СЦ „Јане Сандански“ во финалната серија која се игра до три добиени натпревари.