Одредете си јасна цел: Сакам да го исфрлам шеќерот од својата исхрана.

Под шеќер се поразбира и благото кафе, чајот со мед, сладоледот, колачите… Ако пресметате колкави количини шеќер внесувате во текот на денот, можете да бидете навистина изненадени.

Не пијте газирани пијалаци, тетрапак сокови, исфрлете чоколади, колачи, пуканки… Но, дозволете му и на телото да се навикне на недостатокот на шеќер. За почеток, не правете го тоа нагло, туку почнете со производите кои очигледно не се здрави за вас.

Навикнете се потребната доза на шеќер да ја добивате од овошјето и секако, одвреме-навреме дозволете си да пробате и по некое парче торта на родендените.

Воведете си го правилото на еден ден. Денеска прескокнете десерт. Утре запрашајте се дали навистина ви е потребно тоа слатко задоволство. Ако успеете да одложите четири денови, тогаш веќе сте на вистинскиот пат да се одвикнете од зависноста од благо.

Колку повеќе денови одложувате, ќе забележите дека веќе не сте зависни од благото. Еден ден, потребата целосно ќе ја снема. Тогаш повремено ќе можете да си дозволувате и по некој десерт, без да претерувате.