Многу вкусни и здрави: ’Рдоквите се задолжителни на пролетната трпеза
Освен со уникатниот свеж вкус во пролетната сезона, ’рдоквите се корисни од многу аспекти. Soдржат висок процент на витамин Б и Ц што ги прави корисни во борбата со вируси и грип.
Освен тоа, со нив во организмот се внесуваат многу минерали како калиум, цинк, фосфор и фолна киселина. Високиот процент вода помага во хидрирање на кожата. Исто така консумирањето ’рдоквите е благопријатно за стомакот и за црниот дроб.
Тие ја прочистуваат крвта и ја обезбедуваат со свеж кислород. Исто така, се препорачуваат при жолтица, проблеми со мокрачните патишта и при опстипација. Содржат антиоксиданси, растителни влакна и етерични масла што го подобруваат метаболизмот.
Освен сурови, можат да се додадат во многу јадења и да се јадат варени, маринирани, готвени на пареа, закиселени. Сепак треба да знаете дека при готвење го губат карактеристичниот пикантен вкус и стануваат помеки. Од нив се прави одличен прилог за печено месо или риба на пареа. Добри се за ролат од мелено месо или телешко печено.
Кога купувате ’рдокви, избирајте да бидат тврди, свежи, без видливи оштетувања. Чувајте ги во фрижидер заедно со други зеленчуци, до две недели.
Не заборавајте дека ’рдоквите се задолжителен додаток во пролетните салати, кои со нив стануваат повкусни и поздрави.