Најголемата грешка која ја направил Бил Гејтс, основачот на Microsoft, е давањето можност на Google да го стартува Android – стандардната платформа која не припаѓа на Apple.

Ова тој самиот го призна на настанот кој го организираше компанијата Village Global, која ја поддржува.

– Во светот на софтверот, особено кога станува збор за платформите, тоа е пазарот на кој победникот добива сè – рече Гејтс на настанот.

Тој откри дека најголемата грешка била лошото управување што го навело Microsoft да не биде тоа што е Аndroid.

– Беше природно Microsoft да победи во тоа. Постои простор само за еден оперативен систем кој не е на Apple и колку тој чини? 400 милијарди долари би завршиле кај компанијата M (Microsoft), наместо кај компанијата G (Google) – потенцираше Гејтс.

Google ја купи Android Inc. за помалку од 50 милиони долари и во 2007 година го најави новиот мобилен систем кој ќе овозможи пристап до Интернет на поголем број луѓе.

Гејтс вели дозволувањето на Google да ја има можноста да дојде до Android е една од најголемите грешки на сите времиња, но и покрај тоа, тој смета дека Microsoft е многу моќна компанија.

– Ние сме водечка компанија. Да не погрешевме, ќе бевме најголемата компанија. Но тоа è – заклучи тој.

Инаку, Гејтс е втората најбогата личност на светот, зад Џеф Безос, основачот на Amazon, со нето вредност од 102,9 милијарди долари, според проценката на Forbes.