Менаџерот на Арсенал, Микел Артета ги изрази своите впечатоци по поразот од Фулам во 20 коло од Премиер лигата. Арсенал го забележа вториот пораз за само неколку дена, по Астон Вила подобар беше и Фулам.

Артета е свесен дека мора да направи многу подобро за тимот да остане во трката за титулата во Премиер лигата.

– Тежок и тажен ден. Пред три дена загубивме натпревар кој требаше да го добиеме, а денеска го одигравме најлошиот натпревар во сезоната. Не успеавме да се наметнеме, не се заканивме доволно. Тоа беше едноставно не е добро и не заслуживме да победиме – изјави Артета.

Со два кикса, Арсенал пропушти шанса да се искачи на врвот на табелата, а тоа му даде шанса и на Ливерпул да ја зголеми предноста на водечката позиција:

– Имавме можност да ја завршиме годината на првото место на табелата и ова е навистина лошо чувство. Ако играме како во претходните 19 натпревари, ќе бидеме на врвот. Ако играме како денес, нема да бидеме никаде – вели Артета.