Се одиграа последните два натпревари од 2023 година во Премиер лигата, во рамките од 20 коло победи остварија екипите на Фулам и Тотенхем.

Арсенал ги разочара своите навивачи откако загуби на гостувањето кај Фулам со конечен резултат 2:1.

Играчите на Микел Артета одлично го започнаа мечот со погодокот на Сака во петтата минута.

Домаќините успеаја да израмнат во 29 минута преку Хименез, а триумфот го донесе Де Кордова-Реид во 60 минута.

Тотенхем триумфираше над Борнмут со 3:1, трите голови за домаќините беа дело на Сар во деветтата, Сон Хјунг-Мин во 72 и Ришарлисон во 80 минута. Гостите само успеаја да го ублажат поразот со погодокот на Скот во 84 минута.

На табелата води Ливерпул со 42 бодови, колку што има и второпласираната Астон Вила, следуваат Манчестер сити и Арсенал со по 40, Тотенхем е на петтата позиција со 39. Борнмут е на 12 место со 25 бодови, еден повеќе од Фулам на 13 место.