Мицковски до Заев: Вие сте опседнат со Никола Груевски
Откако лидерот на СДСМ Зоран Заев на Мицкоски на почетокот на дебатата на Канал 5 му спомена да се огради од поранешниот лидер Никола Груевски кој се уште раководел со ВМРО – ДПМНЕ, тој му возврати:
-Се возите во мерцедесот на Никола Груевски, седевете во барокната зграда. Опкружени сте со соработниците на Груевски. Вие сте опседнат со Груевски. Оставете го веќе еднаш, му порача лидерот на ВМРО-ДПМНЕ, Христијан Мицкоски, на експремиерот Зоран Заев.
– Ајде да зборуваме за вистински реформи. Зошто вашиот адвокат правеше интервенции? Зошто барате амнестија за вас? Ве гледам во очи и ви кажувам дека сите што се огрешиле пред законот ќе бидат изведени пред правдата. Овој закон што вие го донесовте, токму тоа не го дозволува. Ве гледам во очи и ви кажувам дека ќе одговарате – рече Мицкоски.
Заев одговори дека тој е чист како бел ден.