Мицкоски не прифаќа дуел со Арсовска, имала доволно дуели во Советот на Град Скопје
Градоначалничката на Скопје, Данела Арсовска има доволен број дуели во Советот на Град Скопје и нема потреба да излезам на дуел со неа, изјави денеска лидерот на ВМРО ДПМНЕ, Христијан Мицкоски, одговарајќи на новинарски прашања при посетата на тетовско Прељубиште во Општина Јегуновце.
Јас ценам дека ние лидерите на двете партии сме одговорни да обезбедиме тоа што им е потребно на граѓаните и на тоа ниво го повикувам Ковачевски да излеземе пред граѓаните да дебатираме. Кога Арсовска има нешто да каже, мислам дека тоа го прави исклучително плодно на седниците на Советот на Град Скопје заедно со советниците. Мислам дека е тоа вистинско место каде таа треба да ги манифестира своите дебатерски капацитети – рече Мицковски.
На последната седница на Советот на Град Скопје, градоначалничката од говорница го повика Мицковски да не бега и да прифати дуел со неа.
Нов заменик на Арсовска е Александар Трајановски, советник од ВМРО-ДПМНЕ
