Додека во Словенија се одвива дебата околу отстрелот на мечките поради наглото зголемување на бројот на овие животни, жител на земјата утрово беше нападнат од мечка кај Љубљана.

Мечката го каснала човекот за ногата, а нападот се случил во близина на главниот град Љубљана, додека тој го шетал кучето.

Се предлага бројот да се намали од 1.100 мечки на околу 800, а најмногу животни да бидат отстрелани во јужниот дел на Словенија, каде има најмногу инциденти со мечки.

Неодамна, надлежното министерство во Словенија донесе одлука со која се дозволува отстрел на 230 кафени мечки од дивината. Ова предизвика големи реакции. Дел од невладините излегоа остро против оваа одлука, предупредувајќи дека тоа е кршење на европското законодавство.

Премиерот Роберт Голоб, го повика министерот Урош Брежан да ги замрзне сите одлуки за овогодинешното убивање мечки. Подоцна за тоа двајцата разговарале и одлучиле одлуката сепак да остане на сила.