Мбапе не попушта, нема шанси да потпише нов договор
Одличниот француски репрезентативец, Килијан Мбапе, ја одби понудата на ПСЖ да потпише нов договор и наредното лето си заминува од „светците“, пишува „Ле Паризиен“.
Веста дека Мбапе си заминува не е нова, но весникот тврди дека ПСЖ со најновиот развој на настаните, ќе добие далеку помалку помалку пари отколку што сметаше дека ќе добие.
Челниците на ПСЖ се надеваа дека Мбапе ќе го продолжи договорот кој му истекува во 2022 година, а клубот ќе го пушти идното лето но за далеку поголема сума од таа што сега би ја добил кога сите знаат дека одличниот напаѓач по секоја цена сака да го напушти Париз.
Ова значи дека цената на Мбапе ќе падне и заинтересираните екипи ќе можат да го купат напаѓачот на ПСЖ за околу 100 милиони евра бидејќи на лето ќе влезе во последната година од договорот.
Заинтересирани за Мбапе се речиси сите најголеми екипи, а фаворит за потпис со францускиот репрезентативец е Реал Мадрид кој уште сега почна да собира средства за трансферот.