Берлинскиот процес, создаден за поддршка на земјите од Западен Балкан во нивниот пат кон ЕУ интеграциите, вклучува одредба за да го оспособи граѓанското општество кое ќе ги обврзе нашите влади да бидат одговорни за договорите што ги донесуваат на годишните самити.

И покрај добрите намери, нашите влади покажаа сосем мал напредок во спроведувањето на нивните обврски од Берлинскиот процес. Секоја година, ветувањата на нашите влади се да стават крај на корупцијата и да го воспостават владеењето на правото. Но, според заклучоците на претседавачите од состанокот на шефовите на Лондонскиот самит, организираниот криминал, корупцијата, перењето пари и финансискиот криминал остануваат меѓу нашите најзначајни безбедносни закани. Оттука, јасно е дека сите засегнати страни вклучени во Берлинскиот процес треба да развијат нови стратегии за да ги направат нашите влади одговорни за нивните ветувања. Граѓанското општество мора да ја игра примарната улога бидејќи граѓаните на Западен Балкан се оние кои најмногу имаат корист од тоа да станат дел од семејството на Европската унија, и оние кои директно страдаат од неуспесите на нашите влади.

Платформата за граѓанско општество на Западен Балкан за демократија и човекови права е независно организиран регионален конзорциум, кој работи надвор од границите со цел за справување со сериозните проблеми со кои се соочуваме. Нашата мрежа е обединета, но не со проекти или со финансирање, туку со заедничката желба за мирот и стабилноста на нашиот регион, како и заедничкиот интерес за вклучување во ЕУ. Како граѓанско движење, веќе ги проширивме нашите мрежи и надвор од невладиниот сектор, така што вклучивме лица со развиени вештини, способности и знаења неопходни за нашата мисија. Со членови од секоја земја на Западен Балкан, ние сме доказ дека граѓаните на Западен Балкан веќе меѓусебно се помирија со минатото кое беше исполнето со конфликти. За жал, ова не се рефлектира врз националистичката реторика на нашите влади која се зголемува.

Кога нашите влади не успеаја да го реализираат сонот за демократија, должноста ни паѓа нам, луѓето од Западен Балкан, да ја водиме програмата преку која ќе им помагаме на нашите влади да развијат функционални и стабилни држави каде ќе преовладуваат одговорноста и владеењето на правото. И покрај нашите многубројни разлики и минати конфликти, сите ние ја делиме заедничката историја која има толку многу повеќе потенцијал да не обедини отколку да не разделува.

За остварување на нашиот сон за демократија, нашите барања во агендата за Самитот во Познан од 2019 година се:

● Презентација на дијалогот и помирувањето, како почетна точка за дефинирање на нашите заеднички интереси за развој на регионални односи што ни овозможуваат да ги координираме нашите заеднички иницијативи;

● Заложба за дефинирање на нови и креативни механизми со кои поефикасно ќе се поддржат меѓусекторските соработки кои ја промовираат демократијата, заштитата на човековите права, владеењето на правото и транспарентноста на владите;

● Заложба за поддршка на извештајот за напредок на граѓанското општество од усогласеноста на владите со препораките од Берлинскиот самит.

На проектот на Европската Унија му е потребен Западен Балкан, а ние сакаме да влеземе во семејството на ЕУ. Во еден критичен геополитички момент, со размислување надвор од Берлинскиот процес, ние треба заеднички да развиеме конкретни акции и заедничка посветеност која ќе може ја обедини Европа во проширено семејство, кое носи стабилност и сигурност за сите нас. Ние сме тука да ја преземеме оваа задача, да ги претвориме зборовите во акција и да им помогнеме на нашите влади да ги исполнат своите обврски, не само во поглед кон Берлинските процеси, туку за сите нас, за развој на заеднички свет на мир и просперитет.

ПОТПИСНИЦИТЕ:

1. ADP-Zid, Montenegro

2. Albanian Center for Good Governance (ACGG), Albania

3. ALFA Centar, Montenegro

4. Asocijacija za promociju poslovanja (APROPO), Bosnia and Herzegovina

5. Association “IRSH”, Albania

6. Balkan Green Foundation (BGF), Kosovo

7. Center for Advocacy And Democratic Development (CADD), Serbia

8. Center for Economic Prosperity and Freedom (CEPS), Montenegro

9. Center for Euro-Atlantic Studies (CEAS), Serbia

10. CIVIL, North Macedonia

11. Community Business Development Center (CBDC), Kosovo

12. European Movement Serbia (EMinS), Serbia

13. Fondacija za razvoj i demokraciju (FRD), Bosnia and Herzegovina

14. Gender Alliance for Development Centre (GADC), Albania

15. HandiKOS, Kosovo

16. Humanity in Action, Bosnia and Herzegovina

17. Institute for Democracy and Development (IDD), North Macedonia

18. Institute for Development Policy (INDEP), Kosovo

19. Institute for Research and Development, Montenegro

20. International Debate Education Association South East Europe (IDEA SEE), North Macedonia

21. Kosovo Youth Atlantic Treaty Association (KYATA), Kosovo

22. Krenar Shala, civil society activist, Kosovo

23. Lawyers’ Committee for Human Rights (YUCOM), Serbia

24. Macedonian Young Lawyers Association (MYLA), North Macedonia

25. NGO Aktiv, Kosovo

26. NVO 4 Life, Montenegro

27. Nvo Nova+, Serbia

28. OTTOnomy, Albania

29. Protection and promotion of Environment, Culture and Art (proECA), Kosovo

30. Research Center for Security, Defense and Peace – North Macedonia

31. Sexual and Gender Minorities Association SUBVERSIVE FRONT Skopje, North Macedonia

32. The Balkan Forum

33. Youth Initiative for Human Rights – Kosovo (YIHR KS).