Роберто Манчини, селекторот на италијанската репрезентација е свесен дека поради „неуспехот“ што не се обезбеди директен пласман на Светското првенство преку квалификациските групи, па тоа ќе мора да го направи преку бараж.

А таму во полуфиналето како претпоследна пречка на патот кон Мундијалот во Катар 2022 кон крајот на март следната година пред своите навивачи ќе ги одмери силите против македонската А селекција.

Годинава Италија успеа да ја освои титулата на Европското првенство, но Манчини сака тоа што побрзо да се заборави и да се концентрираат неговите играчи во додатните квалификации за СП.

– Многу луѓе беа среќни поради нашиот успех на Евро 2020, тоа е нешто најубаво на што сме сите горди. Но, Европското првенство е зад нас, сега треба да се концентрираме на следните мечеви.

Има многу наши репрезентативци кои треба да се подобруваат, за мене е најважно е да се пласираме на Светското првенство каде што мислам дека 10-12 играчи можат да напредуваат, секако доколку успееме да се најдеме во Катар – рече Манчини за „Скај Спортс Италија“.

Италија сепак нема да ја пречека Македонија во Палермо!?