Во многу важниот натпревар за пласман во четвртфиналната фаза, женската кошаркарска репрезентација на Македонија „Под 20 години“ денеска ја победи Романија (55:53).

Најефикасна во нашата селекција беше Селцова со 12 поени (пет скокови), додека Атанасовска имаше 10 поени (пет скокови).

На спротивната страна 14 поени (по четири скокови и асистенции) имаше Мазилу, а по 10 коша запишаа Петроф и Кроитору (15 скокови).

Тоа е втор триумф во четири одиграни натпревари во групата „Ц“ во која вториот патник за четвртфиналетого даде дуелот помеѓу селекциите на Црна Гора и на Хрватска.

Победата на Црна Гора против Хрватска (80:49), значеше пласман на нашите кошаркарки во најдобрите осум на Европското првенство „Дивизија Б“ во Скопје.

Четвртфинале, двојки (15 јули, петок) –

Турција – Германија

Словенија – Македонија

Израел – Грција

Црна Гора – Норвешка