Македонските борачи по олимписка норма на Светското првенство во Белград
Официјално почнува Светското првенсво во борење за сениори кое и оваа година ќе се одржува во Белград, Србија.
Боите на Македонија ќе ги бранат осум натпреварувачи кои ќе се трудат да обезбедат олимписка норма за учество на Летните олимписки игри во Париз 2024.
Светското првенство ќе стартува со борбите во слободен стил, на 16 и 17 септември ќе се натпреваруваат Бесир Алили (61 кг.), Фати Вејсели (70 кг.) и Дејан Митров (86 кг.).
Потоа, на 17 и 18 септември ќе настапат Владимир Егоров (57 кг.), Расул Шапиев (74 кг.) и Ахмад Магомедов (79 кг.), а на 18/19 септември Магомедгаџи Нуров (97 кг.). Машката екипа е предводена од тренерит Бобан Данов и Суфијан Исмаили.
Во женска конкуренција на 20 септември ќе се бори Вероника Рјабоволова, која е предводена од тренерот Магомед Ибрагимов.
Борбите ќе можат да се следат во живо на официјалната страна на УВВ.