Македонија презент: Шест нови книжевни избори
Издавачката куќа „Македонија презент“ и Институтот за наука, алтернатива, култура и уметност подготвија и објавија шест антологии. Тие се, всушност, тематски броеви на списанијата „Селект“ и „Книжевна академија“.
Станува збор за Антологијата на македонски афоризам, што ја подготви Васил Толевски, Антологиите на поезија од македонски автори што живеат и создаваат во странство и Антологијата на посветени песни на Скопје и скопјани, што ги подготви проф. д-р Васил Тоциновски, како и Антологијата на македонската хаику поезија, што ја подготви проф. д-р Христо Петрески.
Исто така, објавени се и Антологијата на македонскиот современ расказ и Антологијата на современи авторски бајки, кои ги подготви Христо Петрески. Станува збор за обемен и сериозен проект што се подготвуваше неколку години, а намерата и целта беше да се заокружи и да се реализира како комплет од шест антологиски книги, односно избори и панорамски прегледи.
(Текстот е објавен во „Културен печат“ број 42, во печатеното издание на „Слободен печат“ на 4 август 2020)