Македонија пред портите на НАТО (ФОТО)

Самитот на НАТО во Лондон е историски за Македонија. Македонските претставници седат рамо до рамо на иста маса со светските лидери на 29 земји членки на Алијансата. Македонската делегација ја предводи македонскиот премиер Зоран Заев. Тој од таму на својот Фејсбук профил напиша:

„Го остваруваме сонот на генерации наши граѓани – стануваме членка на НАТО, во сојуз со најмоќните партнери од демократскиот свет. Овде во Лондон, Северна Македонија е потврдена за следна 30-та членка на НАТО, на 70-тиот роденден на Алијансата. Безбедни, сигурни и стабилни, продолжуваме да ја јакнеме економијата за добробит на сите наши граѓани.“

Го остваруваме сонот на генерации наши граѓани – стануваме членка на НАТО, во сојуз со најмоќните партнери од…

Publiée par Zoran Zaev sur Mardi 3 décembre 2019

Од Лондон со Фејсбук порака се јави и министерот за надворешни работи Никола Димитров.. Во неа тој напиша дека било прекрасно чувството кога целата сала ќе ве пречека со аплаузи како 30 земја членка на Алијансата.

Прочитајте и...  Италијански функционери зеле помош поради кризата со Ковид-19

„Конечно, после многу години обиди, надеж и упорност; по Вилнус групата, САД-Јадранската повелба, неброени циклуси подготовки и извештаи; по оној кобен Самит на НАТО во Букурешт, кога го изгубивме компасот и влеговме во улогата на жртва … конечно сме со земјите членки на масата.
Конечно ќе бидеме дел од најмоќната одбранбена алијанса во историјата, која обезбедува стабилност и безбедност за една милијарда луѓе, каде нападот врз една земја членка е напад врз сите (членот 5).
Патот беше долг, но апсолутно беше неопходно да се издржи. За нашата татковина“, напиша Димитров на својот Фејсбук профил.

Чувството кога цела сала ќе ве пречека со аплауз во знак на добредојде на Северна Македонија, идната 30та земја сојузник…

Publiée par Никола Димитров – Nikola Dimitrov sur Mardi 3 décembre 2019

Последната земја членка на НАТО која сè уште го нема ратификувано Протоколот за членство на Македонија е Шпанија. Шпанците на почетокот на ноември, гласаа на парламентарни избори. Се чека на формирање на новата Влада. Македонското министерство за надворешни работи веќе изготви нацрт-закон за ратификација на Северноатлантскиот договор во нашето собрание.

Прочитајте и...  Јавните објави се добри, но казните ќе ги спречат идните манипулации

Североатланскиот договор во Вашингтон на 4 април 1949 година, го потпишале 12 земји: САД, Белгија, Канада, Данска, Франција, Исланд, Италија, Луксембург, Холандија, Норвешка, Португалија и Британија. Тогаш  ја формираа Алијансата како одговор против политиките на Советскиот Сојуз. Во 1952 година членки на НАТО станаа Турција и Грција. Проширувањето на НАТО продолжи со членството на Германија (1955), Шпанија (1982), Чешка, Унгарија и Полска (1999), Бугарија, Естонија, Латвија, Литванија, Романија, Словачка и Словенија (2004), Албанија и Хрватска (2009), и Црна Гора во 2017 година. Покрај Македонија, исто така и Босна и Херцеговина, Грузија и Украина се земји кои сакаат да станат членки на НАТО..

Алијансата од почетокот на своето постоење силата ја црпи во 5 – от член од Севеноатланскиот договор. Сите челници на НАТО го толкуваат како „Сите за еден, еден за сите“.

Прочитајте и...  Во Подгорица заплена на шверцувани цигари, товарот „тежи“ над милион евра

Член 5

„Страните се согласија дека оружениот напад против една или повеќе од нив во Европа или во Северна Америка ќе се смета за напад против сите и се договорија дека доколку се случи таков оружен напад секоја од нив – користејќи го правото на поединечна или колективна самоодбрана, како што е дадено во член 51 од Повелбата на Обединетите Нации преземајќи поединечно и  во соработка со другите страни – акција што ќе одговара на потребите, вклучувајќи и употреба на оружени сили, заради возобновување и одржување на безбедноста во Северноатлантската област“, да возвратат сите сложно.

Прочитај повеќе

Во куќа во престижен кварт во Париз пронајден труп, таму лежел 30 години

Слободен печат

Трамп се двоуми меѓу две локации за неговата инаугурација за претседателски кандидат на Републиканците

Слободен печат

Авион од Скопје слетал во Финска со 24 патници позитивни на Ковид-19

Слободен печат

Куомо против отворање на училиштата: Може само ако постои паметен план

Слободен печат

И САД загрижени од ситуацијата во Белорусија

Слободен печат

Руски дипломати протерани од Словачка поради шпионажа, Москва не остана должна

Слободен печат

1 comment

НЕВЕН ГНЕВЕН 04/12/2019 - 07:43 at 07:43

А што мислите, со влез во НАТО ќе биде подобар животот? Кога ќе си го видам тилот. За опстојување на тоа НАТО потребни се огромни средства. А кој ќе ги дава нив? Се знае, народот. А ваму, од друга страна, потпишуваат договор те со Грција, те со Бугарија, за заштита на Македонското небо. Е која е логиката? И обичен простосмртник, не мора да биде политичар, ќе види, дека овде нешто не е како треба. Се крои нешто од подалеку.

Reply

Остави Коментар

Прочитај повеќе

Зибери: Опцијата за 4 смени со 20 минути час ќе биде главен елемент за ширење на вирусот

Слободен печат

САД ја предупредија Србија за ризикот од купување оружје од Кина

Слободен печат

Иран затвори весник кој ја истражуваше вистината за бројот на заразени и мртви од ковид-19

Слободен печат

Противничката на Лукашенко се смета за победничка на изборите во Белорусија: Ќе го докажеме секое кршење на изборните прописи

Слободен печат

Околу 600.000 хотели во светот почнаа да го прифаќаат биткоинот: Може да се резервира и сега

Слободен печат

Во Чикаго масовни грабежи и пукање, над 100 лица уапсени (ВИДЕО)

Слободен печат