Екипата на Еурофарм Пелистер во досегашниот дел од ракоментата Лига на Европа не успеа да се израдува на победата, во четири кола има учинок од едно реми и три порази, но според играта заслужија повеќе бодови на своето салдо.

Битолчани во последното коло загубија на гостувањето во Словенија кај Тримо Требње, а притоа одиграа слабо. Утре ракометатите на Е. Пелистер ќе имаат можност да ја поправат сликата од минатата недела, а воедно и да се реваншираат за поразот.

– Можам да ви кажам дека во Словенија одигравме еден од нашите најслаби натпревари. Иако создававме позиции и шанси, имавме голем проблем со реализацијата. Противникот не нè изненади со ништо од тоа што го подготвувавме, па дури и можам да кажам дека го спречивме нивното најсилно оружје – транзиција и брзата игра. Сепак, со тринаесет промашени зицери, тешко се добива натпревар. И минатата, а и оваа сезона се соочуваме што и на добиени натпревари, не ги освојуваме бодовите. Веруваме дека и тоа ќе го надминеме. Го оставаме последниот натпревар зад нас, се подготвуваме и во вторник се надеваме дека ќе излеземе како победници. Ни треба една победа да се крене екипата, да ја врати самодовербата. Иако можам да кажам дека атмосферата е добра во клубот, тренираме и се спремаме одлично, но ни треба таа една победа да ја вратиме самодовербата – вели крилото на Еурофарм Пелистер. Бојан Маџовски.