Денеска со жрепка се дознаа двојките за третото квалификациско коло во Лигата на шампионите, првите натпревари ќе се играат на 8 и 9 август, а реванш средбите на 15 август.

Во „Шампионскиот пат“ Динамо Загреб на македонскиот репрезентативец Стефан Ристовски доколку во второто квалификациско коло на ЛШ ја елиминира Астана од Казахстан, во следната фаза ќе игра против АЕК Атина од Грција.

Во „Лигашкиот пат“ ТСЦ Бачка Топола од Србија на Мартин Мирчевски кој е директно сместен во третото квалификациско коло на ЛШ, за противник ја доби португалската Брага.

ЛШ, трето квалификациско коло, двојки –

Раков/Карабах – Арис Лимасол/БАТЕ Борисов
Зрињски/Слован Братислава – Шериф Тираспол/Макаби Хаифа
АЕК Атина – Динамо Загреб/Астана
Лудогорец/Олимпија Љубљана – Жалгирис/Галатасарај
Бреидаблик/ФК Копенхаген – Спарта Прага
Клаксвик/Хакен – Хелсинки/Молде

Брага – ТСЦ Бачка Топола
Ренџерс – Генк/Сервет
Днипро-1/Панатинаикос – Олимпик Марсеј
ПСВ Ајндховен – Штурм Грац