Ливерпул се најде во проблеми во финишот на преодниот рок, на „Енфилд“ стигна огромна понуда за услугите на Мохамед Салах од Саудиска Арабија, но истата засега е одбиена.

Шампионот на Саудиска Арабија, Ал Итихад понуди 116 милиони евра за Египќанецот, плус бонуси, но Ливерпул не сака да го продаде својот фудбалер.

„Црвените“ и можеби се свесни дека не можат да најдат идеална замена за Салах, особено што е последен ден од преодниот рок и слаби квалитетни решенија на трансфер пазарот.

Во Саудиска Арабија преодниот рок ќе трае уште две недели, а сигурно клубот од Ријад нема да се предаде во намерата да го ангажира Салах.

Британските медиуми пишуваат дека Салах нема ништо против да се пресели во Саудиска Арабија и прифати договор од 200 милиони евра за три сезони и би бил еден од најплатените играчи на денешницата.

Египќанецот од 2017 година го носи дресот на Ливерпул и до сега одигра 308 натпревари и постигна 187 голови. Претходно ги бранеше и боите на Рома, Челси и Базел.