Лига Европа: Составот на РК Вардар 1961 за денешниот меч против Рајн-Некар Левен
Денеска од 19.00 часот во СЦ „Јане Сандански“ – Скопје ќе се игра првиот натпревар од квалификациите за пласман во групите на ЕХФ Лига Европа помеѓу македонскиот РК Вардар 1961 и Рајн-Некар Левен од Германија.
Повеќе информации околу цените на влезниците за мечот РК Вардар 1961 – Рајн Некар Левен на линкот ТУКА
Скопските „црвено-црни“ се свесни поради големиот предизвик и квалитетот на противникот, но играчите на Владо Недановски ќе дадат сè од себе да дојдат до поволен резултат пред реваншот кој е закажан за 3 септември.
ЕХФ ги објави составите на двата тима за денешниот дуел, во продолжение погледнете кои ракометари Недановски ги има на располагање. Меѓу нив е и засилувањето кое беше промовирано пред три дена, шпанскиот десен бек Виктор Алонсо Гарсија.
– Јагуриновски, Георгиевски, Карапалевски, Томовски, Јасухира, Хансер Родригез, Лазаревски, Срдановиќ, Николиќ, Петриќ, Ѓукиќ, Алонсо Гарсија, Ќосевски, Нилтон Мело, Мишевски, Гогов.
Судии на мечот ќе бидат Марион Кул и Алвар Тинт од Естонија, додека ЕХФ делегат е Михаил Башев од Бугарија.
Од другите натпревари, денеска од 16.00 часот ќе играат Иштад – Хановер Бургдорф, од 18.00 Тримо Требње – Брага и од 19.00 Агуаш Санташ – Винтертур. Утре, в недела од 17.00 часот силите ќе ги одмерат ЧСМ Констанца и Гранољерс.