Лига Европа, финале: Севиља и Рома за трофејот во Будимпешта и за место во ЛШ
Натпреварот кој го решава шампионот во Лига Европа за оваа сезона ќе се игра денеска од 21.00 часот кога рекордерот по број на трофеи од споменатото натпреварување Севиља ќе се соочи со актуелниот шампион на Конференциската лига, Рома, на „Пушкаш Арена“ во Будимпешта, Унгарија.
Победникот во финалето ќе обезбеди место во групите на Лигата на шампионите следната сезона 2023/2024.
Андалузијците во борбата влегуваат како најуспешен клуб во натпреварувањето со оглед на тоа што шестпати го освојуваа трофејот во ЛЕ (2006, 2007, 2014, 2015, 2016, 2020 година).
🏆 In three words, what will happen in Budapest?#UELfinal pic.twitter.com/XSBL6dSv4A
— UEFA Europa League (@EuropaLeague) May 31, 2023
Фудбалерите на Хозе Луис Мендилибар ја започнаа сезоната во ЛШ, каде што завршија на третото место во групата зад Манчестер сити и Борусуија Дортмунд. На патот до финалето го елиминираа Манчестер јунајтед, со вкупен резултат 5:2, а потоа во полуфиналето Јувентус со 3:2.
Од друга страна, Рома никогаш ја нема освоено Лига Европа, еднаш беше финалист во 1991 година, во тогашниот Куп на УЕФА кога загуби од Интер со вкупен резултат 2:1.
🟥🔸 𝐒𝐏𝐐𝐑 🔸🟥
The symbol of Rome’s timeless, boundless power 🔥#ASRoma #UELfinal pic.twitter.com/8wai9Ihgjo
— AS Roma English (@ASRomaEN) May 30, 2023
Играчите на Жозе Мурињо беа втори зад Бетис во групата „Ц“, а потоа во четвртфиналето беа подобри од Феенорд со 4:2, а потоа и против Леверкузен во полуфиналето (1:0).
Правдата на овој дуел ќе ја дели англискиот судија Ентони Тејлор, а ќе му помагаат Гери Бесвик и Адам Нан, додека во ВАР-собата ќе седат Крис Кавана, Стјуарт Атвел и Бастијан Данкер.
⏳ 2️⃣4️⃣ 𝗛𝗢𝗥𝗔𝗦 𝗣𝗔𝗥𝗔 𝗟𝗔 #UELfinal 🇭🇺#UEL pic.twitter.com/DBhlu99mcg
— Sevilla Fútbol Club (@SevillaFC) May 30, 2023
Потенцијални стартни состави:
Севиља: Боно – Навас, Баде, Гудељ, Тељес – Фернандо, Ракитиќ – Окампос, Торес, Хил – Ен Несири.
Рома: Патрисио – Манчини, Смолинг, Ибанез – Матиќ, Кристанте, Спинацола, Челик – Дибала, Пелегрини – Ејбрахам.