Лазаров одличен, со Нант го освои „Шпаркасен“ купот
Лазаров доминира и на 39 години, продолжува со врвни перформанси, што е секако многу важно за нас на репрезентативен план.
Денеска во финалето на турнирот Нант успеа да ја совлада германската екипа Фуксе Берлин со конечен резултат 26:23 (14:10).
Еден од најзаслужните за победата и освојувањето на трофејот беше македонскиот репрезентативец Кирил Лазаров.
Нашиот десен бек најави дека и во следната 2019/20 ќе блеска на терените, а тоа го докажува и сега со осум постигнати голови, три од седмерец против бундеслигашот.
На патот до финалето Нант успеа да ги совлада данскиот Есбјерг и германскиот Штутгарт.
Нант оваа сезона ќе настапува во ЕХФ Купот, само едно квалификациско коло ќе му биде потребно да помине доколку сака пласман во групите во ова второ по квалитет европско клупско ракометно натпреварување.