Лавров во следните три дена ќе ги посети Грција, БиХ и Србија
Шефот на руската дипломатија, Сергеј Лавров при турнејата низ земјите во регионот наредната недела ќе ги посети Грција, БиХ и Србија.
Лавров утре ќе ја посети Атина, а во вторник и среда ќе биде во БиХ каде ќе разговара со највисокото раководство на таа земја, а одвоено и со членот на Претседателството на БиХ, Милорад Додик.
Рускиот министер ќе си замине од БиХ во среда, кога ќе пристигне на дводневна работна посета на Белград.
Како што претходно изјави портпаролката на Министерството за надворешни работи на Русија, Марија Захарова, Лавров ќе разговара со претседателот на Србија, Александар Вучиќ и ќе учествува во свеченостите по повод завршувањето на работата на Храмот Света Сава.
Извор: Бета.рс