ВИДЕО | Кратка обука за „спонтан“ аплауз за претседателот: Плескај и викај „Да си жив!“
На друштвените мрежи се појави видео снимка која наводно е направена пред посетата на претседателот на Србија Александар Вучиќ и министерот за здравство Златибор Лончар на Клиничкиот центар на Србија.
Како што пренесуваат српските медиуми, на снимката се гледа вежбање аплауз за поздрав на високите гости.
На снимката се гледа повозрасен маж кој им се обраќа на насобраните работници кои најверојатно учествувале во изградбата на Клиничкиот центар, пренесе порталот Нова.рс.
Човекот ги „воспитува“ работниците и им раскажува дека тоа е еден од петте најголеми клинички центри на светот, а дека Златибор Лончар го има спасено српското здравство.
Потоа, ги упатува дека треба да почнат да аплаудираат откако тој прв ќе почне, а потоа да ги поздрават високите гости со повици: „Да сте живи!“
Čas političkog vaspitanja i uvežbavanje aplauza na gradilištu Kliničkog centra, pred dolazak @avucic i Lončara. 🤣 pic.twitter.com/1Ad9Mds64y
— Kuke i motike (@UsraneMotke) August 3, 2021