Сите информации поврзани со рудникот во Иловица прво ќе бидат доставени до Влада, а потоа министерот за економија Крешник Бектеши ќе ги сподели со медиумите, најави премиерот Димитар Ковачевски.

Одговарајќи на новинарско прашање, премиерот Ковачевски појасни дека Министерството за економија треба да достави детална информација за сите одлуки, судски и управни постапки водени од 2012 година до денес.

-Врз основа на таа информација потоа ќе се донесат соодветни одулуки за иднината. Притоа ќе мора да се внимава на интересот на граѓаните. Јас тоа јасно сум го кажал од првиот ден, дека рудници може да има само со согласност на граѓаните, ако се против, не може да има. Тоа не беше случај со претходната Влада на ВМРО-ДПМНЕ која имаше издадено 86 дозволи за концесии и општините, предводени исто така од ВМРО-ДПМНЕ, веќе ги имаа донесено одлуките за почеток на работите за отворање на рудниците. Сега тоа не е случај. Значи, кога ќе бидат доставени информациите до Владата, министерот ќе ги сподели со сите медиуми, истакна Ковачевски.