Потпретседателот на СДСМ, Коста Петров го осуди нападот вез ЛГБТ активистот Беким Асани. Тој физички бил нападнат од две лица во близина на канцеларијата на организацијата „ЛГБТИ Јунајтед“ од Тетово.

-Поддршка за Беким. Сторителите мора да се најдат и да се казнат. Време е и конeчно да сфатиме дека само со еднакво општество, во кое сите уживаат еднакви права, без дискриминација, цврсто можеме да чекориме кон иднината. Нема друга опција!- вели Петров.

Нападнат Беким Асани: Планирам да купам пиштол, не може кој како ќе стигне да ме тепа!

Поддршка доби и од Маја Морачанин од партијата ДОМ, која вели дека институциите мора да обезбедат целосно почитување на правата на ЛГБТИ луѓето и нивна заштита.

-Надлежните институции веднаш да спроведат темелна истрага и да го санкционираат насилството. Несанкционирањето на насилството врз ЛГБТИ луѓето доведува до негово повторување. Институциите мора да обезбедат целосно почитување на правата на ЛГБТИ луѓето и нивна заштита од дискриминација, говор на омраза и насилство- сподели Морачанин.

И лани по завршувањето на парадата на гордоста во Скопје, Асани беше нападнат во Сарај.

Нападнат Беким Асани: Планирам да купам пиштол, не може кој како ќе стигне да ме тепа!