Косово: Уапсена уште една негувателка која учествуваше во бездушното малтретирање на бабичката
Уште една, трета негувателка од старскиот дом во Пеќ на Косово, која учествувала во малтретирањето и тепањето на старицата кое ја згрози јавноста, денеска е уапсена, потврдил Фадиљ Гаши, портпарол на полицијата во Пеќ.
– Сега има три лица кои се уапсени. Има три различни кривични дела, првото се товари за кривично дело „напад“, второто за „помагање во кривично дело напад“, а третото за „неовластено снимање“, изјави Гаши.
ВОЗНЕМИРУВАЧКО ВИДЕО: Медицинска сестра малтретира и шамара стара жена згрижена во дом
Портпаролот рече дека случајот е веќе префрлен во секторот за тешки кривични дела.
По објавувањето на вознемирувачката снимка, Основното обвинителство во Пеќ соопшти дека главниот обвинител ангажирал двајца обвинители и ја овластил косовската полиција да ги преземе сите неопходни мерки против негувателките вмешани во случајот.
– Двајца обвинители и косовската полиција идентификуваа и приведоа двајца осомничени на местото каде што се сомничи дека е сторено кривично дело и по наредба на обвинител им е одредена мерка притвор до 48 часа, поради сомнение дека сториле кривично дело соизвршителство во кривичното дело „напад“ и кривично дело „помагање при извршување на кривичното дело напад“ – се наведува во соопштението на Обвинителството.
ВИДЕО: Старицата-жртва на брутално насилство го напушти домот во Пеќ