Коронавирусот остава последици, опоравени пациенти се соочуваат со намален капацитет на белите дробови
Пациенти кои се опоравиле од коронавирусот забележуваат намалена функција на белите дробови. Според докторите во Хонгконг, некои пациенти пријавиле дека се задишуваат додека одат или додека се качуваат на скали, пишува BusinessInsider.
Во 1991 година, власитите ги споија сите болници и клинички центри во Хонгконг во едно извршно тело, Медицински Авторитети на Хонгконг. Тие направиле истражување анализирајќи на 12 лица кои се пуштени дома после лечење од Ковид-19. Од дванаесет, тројца кои го преболеле вирусот, не биле во состојба да ги прават истите работи кои со леснотија ги правеле пред болеста.
„Ако само малку го забрзаат темпото на одење, дишењето станува отежнато“, изјавил директорот на Инфективниот центар во Хонг Конг, доктор Овен Тсанг Так-јин на прес-конференција одржана во четвртокот.
„Некои од пациентите можеби ќе се соочат со редуцирана функција на белите дробови за околу 20 до 30 отсто“, додал Тсанг.
Доктор Тсанг истакнал дека капацитетот на белите дробови во иднина може да се зајакне со физиотерапија. Им препорачал на излечените пациенти за почеток да прават кардиоваскуларни вежби за белите дробови постепено да се опоравуваат, сугерирајќи им го пливањето како најкорисна физичка активност за целоквкупното здравје.
И додека е прерано да се зборува за долгорочните ефекти од новиот коронавирус, при истото истражување, снимки од компјутерска томографија на девет пациенти покажале дека во белите дробови има таложење на течности, феномен во медицината познат по белите траги кои ги остава на дробовите, кои сугерираат дека постои оштетување.
Кај девет од десет излечени пациенти пронајдени се вакви длабински оштетувања на дишните органи.
Докторите Медицинските Авторитети од Хонг Конг сметаат дека долгорочното влијание на коронавриусот на опоравените пациенти допрва треба да се испитува.