Корне: Швјонтек ја победив на истиот терен на кој ја прекинав победничката серија и на Серена
Француската тенисерка Ализ Корне е хероина на денот на Вимблдон поради победата на најдобрата тенисерка на светот Ига Швјонтек со 6:4,6:2.
Корне со победата ја ја прекина најдолгата победничка серија во 21. век од 37 триумфи по ред, која беше во сопственост на тенисерката број еден,Ига Швјонтек.
– Останав без зборови. Ова ме потсети на мојата победа над Серена Вилијамс пред осум години на истиот терен број 1 на Вимблдон. Тоа е мојот среќен терен. Јас сум голем обожавател на Ига Швјонтек, таа е неверојатно талентирана и презадоволна сум што успеав да ја победа – изјави Корне.
Французинката сега е рекордерка по бројот на последователни настапи на гренд слем турнирите со 62, а во втората недела на Вимблдон се пласираше за прв пат од 2014 година.
– Живеам и тренирам за вакви мечеви, тие ме мотивираат и верувам дека можам да победам. Таа победи на 37 меча по ред, но ако Ига може да биде победена некаде, тоа е на трева. Затоа, бев убедена дека можам да го направам тоа, бев фокусирана, а покрај себе ги имав најдобриот тим и најдобрите навивачи – додаде Корне.
Следен предизвик за Корне е осминафиналната пресметка со Ајла Томљановиќ.