Контроверзни одлуки на српскиот кризен штаб: Без задолжителен ПЦР тест и носење маски на отворено во екот на епидемијата
„Овој пат не донесовме нови мерки, ниту ги заостривме постоечките, туку само инсистираме важечките мерки да се почитуваат и сите контроли да се спроведуваат ригорозно“, истакна имунологот д-р Срѓа Јанковиќ по седницата на Кризниот штаб и додаде дека се работи во правна рамка.
Значи, ниту е донесена одлука за задолжителен ПЦР тест за сите патници кои доаѓаат од странство, ниту е донесена мерка за задолжително носење маски на отворено. Ова и натаму останува како препорака, коментираат српските медиуми.
Тој додаде дека досегашните мерки делумно имаат правна рамка, но дека работат на тоа со казнување да се подобрат.
– Загрижени сме, ситуацијата се влошува, но уште многу нешта зависат од нас, рече д-р Јанковиќ.
Овој член на Кризниот штаб истакна дека, засега нема причина училиштата да преминуваат на онлајн настава. И обелодени дека наскоро ќе се користат нови тестови.
-Воведуваме брзи антигенски тестови, за подобрување на дијагностиката на ковид-19, истакна тој.
Инаку, во Србија вчера се регистрирани рекордни 512 новозаразени за 24 часа, поради што денеска во 9 часот се одржа вонредна седница на Кризниот штаб.
