Кон: Нема алтернатива, освен воведување на вонредна состојба
Епидемиологот Предраг Кон изјави дека не постои алтернатива во борбата со ковид-19, освен воведување на вонредна состојба, иако таквата мерка ќе претставува „економски удар“, но, сепак, најважно е спасување на човечки животи.
– Единствено мерка за целосно спречување на контакти ќе донесе резултат, изјави Кон за РТС.
Тој додаде дека мерките што беа воведени во минатиот викенд, не беа онакви какви што бараше медицинскиот дел од Кризниот штаб.
– Ние баравме се да биде затворено, освен прехранбените објекти, бензинските пумпи и аптеккте. Тоа е потребно за прекинување на ланецот за трансмисија на вирусот, истакна познатиот српски епидемиолог.
Според него, епидемиолошката ситуација во земјата е дополнително влошена и влијае на вакцинацијата.
– На овој начин е загрозена вакцинацијата. Луѓето од црвената зона сега работат и на вакцинација, исцрпеноста е огромна и тоа мора да запре, заклучи Кон.