Коби Брајант се што ќе допре претвора во злато
Поранешната ѕвезда на ЛА Лејкерс и на НБА лигата, Коби Брајант и по завршувањето на кариерата останува синоним за успех. Брајант имаше неверојатно богата НБА кариера, освои пет шампионски титули во НБА лигата, 18 пати настапи на Ол стар натпреварите, два пати беше МВП на финалните натпревари, најдобар стрелец во лигата и олимписки шампион, а во првата година откако се пензионира, доби оскар за најдобар анимиран филм.
Тој е успешен и на телевизијата, има сопствена серија „Details“ во која во секоја епизода до најситни детали ја анализира играта на НБА ѕвездите.
Последниот проект на Брајант е во литературата и се чини дека и тука ќе биде успешен.
Брајант во март годинава ја издаде книгата „The Wizenard Series:Training Camp“, која е прва од петте книги од серијата за Ролаби Визенард, таинствен кошаркарски тренер кој ја презема најлошата екипа во локалната лига, Вест Бром баџерс, и успева да ја препороди со своите необични натприродни техники.
We are honored to announce that The #Wizenard Series was chosen by @Amazon as one of the best young adults books of 2019 so far! Check out the full list here! https://t.co/x2k2p9pelm #GranityStudios pic.twitter.com/RRVYBDSQsl
— Granity (@Granity) June 25, 2019
Секоја од петте книги е напишана низ призмата на друг лик, а според жанрот, книгата е комбинација помеѓу спортска драма и фантазија, нешто како Хари Потер на кошаркарски терен.
Три месеци по издавањето на книгата, Амазон ја смести помеѓу 15 најдобри книги за млади полнолетни личности во првата половина од 2019 година.
Сепак, Брајант не е авторот на книгата, неа ја напиша Весли Кинг по инструкции, идеја и насоки на славниот кошаркар.