Издавачката куќа „Антолог“ од Скопје го објави новиот роман од Константин Дораковски со наслов „Белешки од далечниот север“. Во објаснувањето за книгата е посочено дека романот прво нѐ води во историска далечина – времето на градбата на црквата „Св. Ѓорги“ во Курбиново, која е материјално и духовно наследство, и судбината на круната од преспанскиот цар.

Понатаму читателот се вплеткува во критичките опсервации од белешките на Кон-Ти, кој последните години од животот ги минува во канадскиот далечен север, неговите сеќавања за актуелните состојби во поранешна СФРЈ и независната Република Македонија.

Приказната се заокружува со Кокан, дипломат на служба во Канада, кој ги добива белешките на Кон-Ти. Заедно со пронајдениот ракопис, посветен на градбата на црквата во Курбиново, планира да ги публикува и да ја открие енигмата за наследството на царската круна и иднината на современиот етнички и државен македонски идентитет.

Искусниот автор и дипломат Константин Дораковски се враќа со дело што ги скорива духовите на историјата и нема никого да го остави рамнодушен.

(Текстот е објавен во „Културен печат“ број 191, во печатеното издание на весникот „Слободен печат“ на 12-13.8.2023)