6 C
Скопје

Климатските промени ќе разгорат нестабилност, насилства и војни

Францускиот претседател Емануел Макрон повика на „ефикасен мултилатерализам“ на сите членки на Советот за безбедност на ОН, заради „здравје и стабилност на планетата“, при што, исто како и Гутереш, укажа на нераскинливата врска помеѓу климата и безбедноста

Од дваесетте земји најпогодени од конфликти во светот, 12 се исто така меѓу најранливите земји од влијанието на климатските промени. Неуспехот на климатскиот фронт би ги поткопал напорите да се спречат конфликтите и да се консолидира мирот, порача Макрон

Ако светот итно не преземе акција за запирање на климатските промени предизвикани од човекот, би можел да се соочи со засилени нестабилност, насилства и војни, предупредува генералниот секретар на Обединетите нации, Антонио Гутереш.

Укажувајќи дека изминатите десет години биле најтопли во историјата откако се мери температурата, Гутереш истакна дека последиците од климатските промени ќе имаат разорен ефект за луѓето и инфраструктурата.

– Климатските промени ги сушат реките, ги намалуваат бербите, ја уништуваат критичната инфраструктура и ги раселуваат луѓето. Како резултат на тоа ризиците од нестабилност и конфликти исто така се зголемуваат – порача Гутереш говорејќи на сесија организирана од Обединетото Кралство.

Прочитајте и...  Вучиќ: Србија ќе биде велесила во производството на вакцини

Генералниот секретар на ОН истакна дека на последиците од климатските промени најмногу се изложени регионите што важат за „немирни“. Истакнувајќи дека 8 од 10 земји каде што имало војни и конфликти се изложени на големи климатски промени, Гутереш рече дека во Западна Африка и Сахарскиот регион повеќе од 50 милиони луѓе се занимаваат со сточарство и дека промените во пасиштата предизвикуваат растечко насилство меѓу овчарите и земјоделците. Слабите врнежи и сушата ја зголемуваат конкуренцијата во Дарфур.

Гутереш порача дека е потребна „вистинска глобална коалиција“ за постигнување на целта за нулта емисија на јаглеродни гасови во атмосферата до 2050 година. Генералниот секретар на ОН ги повика развиените земји да ја исполнат својата обврска да издвојат 100 милијарди долари годишно за земјите со ниски примања за да помогнат во борбата против климатските промени и да ги намалат емисиите на јаглерод диоксид.

Францускиот претседател Емануел Макрон, пак, ја поддржа германската идеја за назначување „специјален пратеник за климатска безбедност“. Германија лани предложи резолуција со која се предвидува создавање на претставник на ОН за климатска безбедност, но под закана од вето од САД, Русија и од Кина, Берлин не го стави овој текст на гласање.

Прочитајте и...  Бубрезите од донорот на срцето ќе се трансплантираат денеска, коските во наредните денови

На видеоконференцијата на лидерите на членките на Советот за безбедност на ОН, Макрон нагласи дека „неуспехот на климатскиот фронт ќе ги поткопа напорите за спречување конфликти“.

Францускиот претседател се заложи за обновено единство во Советот за безбедност, истакнувајќи ја притоа улогата на Џон Кери, поранешниот кандидат на демократите за претседател на САД, кој пред еден месец беше назначен од новиот претседател Џо Бајден за „специјален пратеник за климатските промени“. Макрон оцени дека Кери за време на мандатот на Доналд Трамп бил „отпорен“ на републиканско претседателство. САД пред неколку денови и официјално се вратија во Парискиот климатски договор за ограничување на глобалното затоплување, во кој ги вклучи поранешниот претседател Барак Обама, но потоа ги исклучи неговиот наследник Трамп.

Макрон повика на „ефикасен мултилатерализам“ на сите членки на Советот за безбедност на ОН, заради „здравје и стабилност на планетата“, при што, исто како и Гутереш, укажа на нераскинливата врска помеѓу климата и безбедноста.

Прочитајте и...  Општина Тетово: Свлечиштето кон Бањиче е последица на планирани активности

– Од дваесетте земји најпогодени од конфликти во светот, 12 се исто така меѓу најранливите земји од влијанието на климатските промени. Неуспехот на климатскиот фронт би ги поткопал напорите да се спречат конфликтите и да се консолидира мирот – порача Макрон, оценувајќи дека екстремните појави поврзани со глобалното затоплување ќе се зголемат и ќе се влошат, со нивната несигурност и војни.

Макрон оцени дека назначувањето на специјален пратеник за климатска безбедност, според примерот на Џон Кери од САД, би придонесло за поефикасно координирање на напорите во случај на катастрофа или „да обезбеди механизми што ќе  овозможат брзо обновување на економската активност по катастрофи“.

Макрон изрази надеж дека со годишните извештаи до Советот за безбедност за влијанието на климата врз меѓународната безбедност, генералниот секретар на ОН „ќе предвиди, ќе нè предупреди, ќе ни даде препораки и ќе ни дозволи да ја играме нашите улога“.

 

Поврзани вести

Вучиќ: Србија ќе биде велесила во производството на вакцини

Слободен печат

Лекарот на Навални предупреди дека неговото здравје се влошува

Слободен печат

ВИДЕО: Пентагон потврди, објавената снимка со НЛО е вистинска

Слободен печат

Чешка протера 18 руски дипломати, обвинети се дека работеле за специјални служби

Слободен печат

Вучиќ за нон – пејперот на Јанша: Ниту сум видел мапа, ниту пак план – се залагам за постојните граници

Слободен печат

Веља Невоља и Месар во паника: Пронајдена ДНК трага од нивна жртва – мислеа дека ако „нема тело – нема дело“

Слободен печат

Остави Коментар