Кевин Спејси повторно објави бизарна божиќна снимка (ВИДЕО)
Минатата година актерот Кевин Спејси беше осомничен за сексуален напад, а сега објави бизарна божиќна честитка и тоа како 3 минутно видео на YouTube. Оваа година за Бадник, повторно ја направи истата работа, само што овој пат честитката трае подолго. Облечен во празничен џемпер Кевин Спејси седи пред каминот и повторно се соживеа во улогата на Франк Андервуд, американскиот претседател од тв-серијата „House of Cards“.
„Веројатно не мислевте дека ќе ја пропуштам приликата да ви посакам Среќен Божиќ, зарем не?“, започнува неговото обраќање во честитката.
Во минатогодишната честитка Кевин Спејси се бранеше од #MeToo движењето и оптужбата за сексуално напаѓање, а ја коментирал и последната сезона од серијата „House of Cards“ во која повеќе го немало него. Тоа видео достигнало дури 4,5 милиони прегледи само во 24 часа. Во тоа време било објавено дека Спејси ќе биде обвинет за сексуален напад и дека ќе му се суди во Масачусетс. Тужбата подоцна била отфрлена.
Оваа година видеото има назив „KTWK“ односно „Kill Them With Kindness“. Во него Спејси збори како за него ова било „прилично добра година“, дека му се „вратило здравјето“, па и рекол „Знам што мислите. Може ли тој да е сериозен? Мртов озбилен сум“. Што уште рекол, погледнете во видеото:
Актерската кариера на Кевин Спејси тргна надолу кога кон крајот на 2017 година повеќе личности го обвиниле за сексуален напад. Две казнени пријави против него оваа година биле отфрлени, додека во Лондон се води истрагата поради наводните сексуални напади.