Ќерката за заразениот тетовец: Од понделникот молев татко ми да биде тестиран за коронавирус
Таа вели дека не се знае како се заразил тој, а на неа и е речено да биде во самоизолација.
Пред малку министерот за здравство Венко Филипче на редовната прес-конференција во Владата изнесе повеќе детали за тетовец кој бил заразен со коронавирусот, а за кој неговата ќерка Наташа Апостолоска, вели дека молела да го тестираат, бидејќи се сомневала дека е заразен со овој вирус.
Ќерката на 69- годишниот жител на Тетово, Наташа Апостолоска, на Твитер појасни дека од понеделникот молела за лекарска помош за нејзиниот татко. Таа вели дека не се знае како се заразил тој, а на неа и е речено да биде во самоизолација.
Според нејзините пишувања, а тоа го потврди и министерот, 69-годишниот тетовчанец бил хоспитализиран во Центарот за рехабилитација во Козле, поради мозочен удар. Информацијата за заразениот тетовчанец ја потврди и Шабан Мемети, директор на Институтот за јавно здравје.
-Од понеделникот молев за лекарска помош за татко ми кој има 69 години, на секој број се јавив. И во Скопје и во Тетово, никој не покажа грижа од надлежните, за денес на тестот за корона да испадне позитивен. Појаснувам дека во Тетово лекарите и тимот за корона постапија според пропис, освен Брзата помош која ја молев да дојде да го прегледа и транспортира затоа што е неподвижен. Таа дојде по 30 минути- објаснува Апостолоска.
Од понеделникот молам за лекарска помош за татко ми 69 години, на секој број се јавив и во СК и во ТЕ, НИКОЈ не покажа грижа од надлежните, за денес на тестот за корона да испадне ПОЗИТИВЕН. Поздрав од Тетово. @VFilipche @ZdravstvoMK
— Natasha Apostoloska (@napostoloska) March 25, 2020
Пациентот поради покачена температура е тестиран е препратен на Инфективна клиника, истакна министерот.
-Пациентот бил неподвижен, имал само една посета, заради фербилност после испуштање од болницата е тестиран, откако е добиен позитивен тест е упатен во Скопје. Сите лекари се исконтактирани, многу мал број на пациенти имале контакт, од 40 само 4. Пациентот имал ваксуларни болести и интервенција. На сите им е земен материјал, согласно временскиот период којшто е поминат немаат сипмтоми, 14 здравствени работници се тестирани и 4 пациенти, веднаш после добивање на резултатите ќе се направи стратегија на функционирање на Заводот за рехабилитација- рече Филипче.