Екипата на Тотенхем по доаѓањето на Антонио Конте за менаџер на местото на Нуњо Еспирито Санто, игра одлично и се врати во борбата за позиции кои носат пласман во Лигата на шампионите.

Тотенхем под водство на Конте направи серија од девет натпревари без пораз во Премиер лигата и по 20 кола има 36 бода, само два помалку од четвртопласираниот Манчестер јунајтед, а згора на тоа има и два натпревари помалку.
Атмосферата во соблекувалната е одлична и тоа за тоа е најзаслужен токму Антонио Конте, смета првата ѕвезда, Хари Кејн.

– Антонио Конте е одличен. Во клубот донесе добра култура, има одлична работна етика како на теренот така и надвор од него. Прави сè за да направи разлика на теренот – вели Кејн кој е оптимист пред вториот дел од сезоната.

– Се надевам дека ќе играме уште подобро и ќе продолжиме да напредување. Ни претстојат големи натпревари до крајот и се надевам дека ќе можеме да покажеме дека напорната работа се исплати – додава Кејн.