Министерката за правда Надежда Јорданова најави дебата за законски измени за обезбедување еднакви права на родителите по разводот, јави бугарската новинска агенција БТА.

Таа на 24 декември имала телефонски разговор со претставниците на организацијата „Татковци за одговорно родителство” и на здружението „Член 24″, кои протестираа барајќи законски измени.

Предвидено е Јорданова на 29 декември да се сретне со членовите на невладините организации при што ќе се разговара за заедничко родителство и за механизам, со кој ќе бидат заштитени првата на децата и на двата родители, а потоа да се подготват законските измени.

– Всушност, со години не се презема ништо за решавање на овој болен проблем за децата и за родителите, што често ги претвора децата во жртви на конфликт за време и по разводот, а доведува до отуѓување на родителите, се наведува во соопштението од бугарското Министерство за правда.

Извор: МИА