Ја тепале, на две години одела на солариум и била на диета: Каде е денес најубавото девојче на Америка?
Кога започна да се емитува ТВ-шоуто „Toddlers and tiaras“, малку е да се каже дека светот беше во шок.
Иако е познато дека во Америка ги сакаат детските натпревари за убавина, а многу мајки во нив гледаат и можност да им обезбедат на своите деца посветла иднина, неизбежно е децата често да поминуваат низ вистинска тортура, а сè со цел да изгледаат „совршено“.
View this post on Instagram
Солариуми, вештачки нокти, коса, па дури и заби, кореографија, костими, вежбање со часови дневно, се само дел од она што било потребно за некое дете да биде прогласено за „најубаво девојче или момче“.
И додека многумина не гледаат ништо лошо во вакво нешто, зад сиот тој гламур, се криела и темна страна, а тоа најдобро го почувствувало девојчето – Еден Вуд.
Лицето на ова девојче веројатно на сите ви е познато. Еден уште од раните години победувала на разни натпревари за убавина, а била прогласена и за најубавото девојче во цела Америка.
View this post on Instagram
Нејзината мајка Мики ја вовела во светот на натпреварите кога имала само две години, инсистирајќи русокосата Еден секогаш да биде дотерана, со совршена коса, нашминкана и облечена во дамски фустани од тил.
Мики до таа мера сакала да ја „зачува убавината“ на својата ќерка, што ја терала да јаде само нискокалорична храна, ја носела и на солариум, а на крајот и секојдневно ѝ давала енергетски пијалаци, за Еден да биде добро расположена.
Ваквиот начин и темпо на живот не се одразиле добро на здравјето на оваа млада дама – таа континуирано имала силни главоболки, а добила и дигестивни проблеми.
View this post on Instagram
Подоцна на виделина испливаа и информациите дека Мики често ја тепала ќерка си, со цел на Еден „да ѝ создаде отпор кон стресните ситуации“.
На крајот, оваа мајка била предупредена дека мора да го промени своето однесување за државата да не ѝ го одземе детето, а и самата Еден решила да престане да се натпреварува кога наполнила шест години и ја освоила својата 300-та титула!
Таа денес има 15 години, а сè уште се занимава со манекенство, но во многу помала атмосфера. Имала епизодни улоги во неколку филмови, напишала автобиографска книга, а се испробала и во блогерските води.
View this post on Instagram
И покрај тоа што оваа тинејџерка успеала донекаде да се врати во нормалното растење, последиците од одземеното детство се трајни, што може да се забележи и по нејзиниот изглед, но и по стилот на живот кој наликува на една 20-годишна девојка.
