Излезе „Културен печат“ број 197 во весникот „Слободен печат“
КУЛТУРЕН ПЕЧАТ број 197, во печатеното издание на весникот „Слободен печат“ (23-24.9.2023), во својот стандарден формат на осум страници меѓу содржините од областа на уметноста и културните настани има:
– интервју со новинарот и писател Ѕвездан Георгиевски по повод промоцијата на неговиот роман „Плачеш како кит“: Книги со чуда внатре
– разговор со визуелната уметница Клелија Живковиќ, добитничка на наградата „Денес“: Длабок интерес кон оживеаноста
– Националната галерија подготви изложби на Миле Корубин и Симон Шемов како дел од програмата за презентација на врвните национални културни достигнувања
– македонскиот ликовен уметник Страхил Петровски со изложбата „Voices“ ќе се претстави во Синагогата во Ступава, Словачка
– камерниот оркестар „Профундис“ и светски познатата виолинистка Ирина Мурезану ќе настапат во Нови Сад
– промовиран е првиот самостоен винил на кој е објавен новиот албум „The back of beyond“ на музичарот и композитор Кокан Димушевски
– скопскиот состав „My Tear“ го објави својот најнов видеозапис за песната „На старите станици“ во режија на Милан Блажевски
– словенечкиот писател Драго Јанчар ја прими наградата „Прозарт“: Ние му пркосиме на историското време
– Театар Комедија и Турскиот театар во Скопје ги почнаа подготовките на претставата „Демнејќи го Годо“ по текст на Драго Јанчар
– книжевниот центар „Антолог“ во „Буква“ ја промовираше книгата „Кабинет на чуда со ѕидови од огледала; разговори со Влада Урошевиќ“ од Владимир Јанковски
– третото издание на Скопскиот поетски фестивал ќе се одржи со интензивна и атрактивна програма
– книгата раскази „Сезона на глуварките“ од Блаже Миневски излезе на хрватски јазик во издание на „Тим пресс“ од Загреб
– манифестацијата „100 илјади поети за промена“, во соработка со здружението „Контекст – Струмица“, распиша конкурс за поезија и за плакат за 13. издание на поетскиот настан што се одржува во Струмица.