Историска одлука: На Иранките им е дозволено да присуствуваат на фудбалските стадиони
На Иранките ќе им биде дозволено да присуствуваат на натпреварите од машкиот фудбалски шампионат, објави претседателот на Фудбалската федерација на Иран, Мехди Таџ.
– Една од важните карактеристики на лигата оваа година е тоа што ќе гледаме жени на стадионите – рече претседателот на Федерацијата Мехди Таџ за време на директен пренос од жрепката за претстојната сезона на иранскиот шампионат, која започнува во август.
Таџ додаде дека некои стадиони во градовите Исфахан, Керман и Ахваз – но не и во главниот град Техеран – се подготвени да ги пречекаат иранските жени.
Иран во голема мера им забрани доаѓање на женските гледачи од фудбалските и другите спортски стадиони од Исламската револуција во 1979 година, и покрај тоа што нема закон што го забранува тоа.
Иранските верски власти, кои играат важна улога во одлучувањето во земјата, тврдеа дека жените треба да бидат заштитени од машката атмосфера и погледот на полуоблечените спортисти.