Искршен постаментот на споменикот на Славко Јаневски
Постаментот на споменикот на истакнатиот македонски романописец и поет Славко Јаневски, поставен во Жена – паркот, е уништен. Искршена е плочата со неговото име и одлепени се и паднати двете странични плочи на постаментот. Вандали го уништиле, па сега се чека да се најде некој надлежен да го поправи.
Споменикот, чиј автор е академик Томе Серафимовски, а е донација на фондацијата „Трифун Костовски“ при МАНУ, беше поставен во 2010 година, по повод 90- годишнината од раѓањето и 10-годишнината од смртта на Јаневски.
На споменикот писателот е прикажан како оди бос по трње, затоа што, како што објасни авторот Серафимовски при неговото поставување, патот на Јаневски бил таков – трнлив.