Повеќе од 80 отсто од вработените Ирци сакаат да продолжат да работат од дома и кога ќе се укинат ограничувањата воведени поради корона вирусот, покажува едно истфражување на јавното мислење во земјата.

Речиси 20 отсто од испитаниците пак би сакале да работат барем еден до два дена од дома.

Исто така, 20 отсто сакаат да продолжат да работат три до четири дена од дома, а 14 отсто од испитаниците рекле дека би дошле на работното место во текот на работната недела само доколку би имало потреба од тоа.

Други 15 проценти сакаат да се вратат во канцелариите и таму да продолжат со својата работа, покажува истражувањето на агенцијата АИБ/Амаракс, која истражувањето го спровела овој месец врз примерок од 1.000 испитаници.

Новата ирска Влада вети дека ќе преземе мерки за трајно зголемување на „работењето од дома“ вклучувајќи притоа данични олеснувања.

Препораките на ирската Влада да се продолжи со работа од дома секаде кеде што тоа е возможно, без оглед што земјата се подготвува за олеснување на рестриктивните мерки за ограничување на економските активности.

Со тоа Ирска настојува да промовира подобра рамнотежа меѓу работењето и приватниот живот, поголемо учество на жените во работењето и подобра регионална рамнотежа, наведува агенцијата.