Хрватските компании „обезглавени“, нема директори ни за лек!
Верувале или не, на компаниите во Хрватска им е се потешко да најдат директори, а не само обични работници. Тоа го покажуваат бројните јавни тендери со кои се бараат луѓе за директорски позиции низ Хрватска.
Една компанија моментално бара дури шест директори. Станува збор за туристичката компанија „Сунчани Хвар“, која бара директори кои би го воделе бизнисот со ресторани и хотели. За ресторанскиот бизнис на директорите им нудат почетна бруто плата од 1.795 евра, а за хотелиерството платата е 1.750 евра бруто. Меѓу барањата доволни се средно образование и една или три години работно искуство. Aква Маринертајм од Дугопоље бара директор за продажба и нуди почетна бруто плата од 1.405 евра.
Условот е високо образование и 10 години работно искуство. Загрепската компанија Перскрипта, пак, бара директор, односно директор за финансии и сметководство и нуди бруто плата од 1.690 евра. Условот е 15 години работно искуство. По директори бараат и неколку фирми од северот на земјава, но не ги соопштија платите што им ги нудат на нивните идни менаџери, објави Даница.хр.