Со декриминализацијата и легализацијата на канабисот ќе се воведе похумана политика која одговара на времето во кое живееме, велат од ХОПС- Опции за здрав живот за „Слободен печат“.

– Сметаме дека целото општество ќе има бенефит од промената на моменталната состојба и законското решение кое постои. Во овој момент многу наши сограѓани се во затвор или плаќаат високи казни заради тоа што кај нив е најдена една или две цигари канабис. Ако имаме предвид дека во Македонија, на редовна основа, над 60.000 граѓани користат канабис, дали тоа значи дека сите нив треба да ги затвориме – прашуваат од ХОПС.

Оттаму потсетуваат и на лековитите својства на марихуаната.

– Од друга страна веќе е докажано дека канабисот е лековит, СЗО ја призна неговата лековитост и го тргна од листата на строго контролирани супстанци. Понатаму сите истражувања покажуваат дека тутунот е многу поштетен од канабисот итн. Значи постојат голем број на позитивности кои ќе ги донесе декриминализацијата на канабисот – објаснуваат од ХОПС.

Тие како пример ја посочуваат Потугалија, која според нив, откако ги декриминализирала сите дроги, се соочила со намалување на корисници на психоактивни супстанци. Поради тоа, истакнуваат од ХОПС, потребно е не само марихуаната, туку и сите дроги да се декриминализираат за лична употреба во земјава, со цел ние како општество да имаме „подобар живот“.

– Длабоко веруваме дека колку и да изгледа дека нашето општество не е спремно за вакво нешто, релноста ќе биде сосема поинаква ако се донесат промените во насока на декриминализација на поседувањето за лична употреба и соодветна легализација и сите ние како општество ќе имаме подобар живот – додаваат од ХОПС.

Оттаму тврдат дека најголем проблем е кај нас што се казнуваат лица кои користат канабис само за лична употреба, без намера да го продаваат, а велат оти со дозволата овие лица сами да одгледуваат и користат канабис за рекреативна употреба ситуацијата ќе се промени.

– Од тие причини со цел да се олесни промената на праксата во насока да не се гонат и осудуваат и казнуваат луѓе кои ќе поседуваат или одгледуваат канабис за лична употреба потребно е да се направи интервенција во казненото законодавство. Но, тоа само по себе нема да значи и де факто декриминализиција, се додека и кривично правната праксата не профункционира како што треба, но и додека не се воведе паралелно соодветен здравствен и социјален одговор. Можноста за одгледување на одредена количина за лична употреба вклучително и за медицинска употреба претставува прв чекор кон легализација на канабисот, така што тоа треба да се регулира во Законот за контрола на опојни дроги – посочуваат од ХОПС.

Во продолжение прочитајте што мислат на оваа тема политичари, професори, граѓани наставници, доктори и активисти:

ВИДЕО АНКЕТА: За дел од граѓаните марихуаната е дрога, други се за легализацијa

Д-р Беќаровски: Заблуда е дека марихуаната доведува до посегнување по потешки дроги

Алијанса за Албанците: Македонија не е подготвена за легализација на марихуаната

Хактан Исмаил од Левица: Ние сме за легализација на марихуаната и за искористување на нејзиниот потенцијал

ВИДЕО | Џафери: Македонија не е Холандија, темата за декриминализација на марихуаната е преуранета

Д-р Васев: Медицинскиот канабис помага кај некои видови на канцер само како комплементарна терапија

МПЦ: Не сме дискутирале за легализација на канабисот во рекреативни цели, но како порок не го одобруваме

Достовски од „Зелена Алтернатива“: Декриминализација и легализација на марихуана ДА, но зошто само во туристичките места?

„Коалиција Маргини“ за легализација на марихуаната: И алкохолот е дрога, па е легален!

Хелсиншки: Итна декриминализација на канабисот за лична употреба, социјални клубови за продажба и агенција која ќе контролира

Национален Младински совет: Марихуаната да биде легална во целата земја

Коалиција „Сите за правично судење“: Со легализација на канабисот ќе се сузбие криминалот и ќе се зајакне легалната економија

Голубовска: Најавената легализација на канабис од властите нема никаква друга, освен партиска логика пред локалните избори